Кубак Стэнлі: «Вашынгтон» Протаса саступіў «Рэйнджэрс» і іншыя вынікі
У ноч на 24 красавіка прайшлі чарговыя матчы першага раунда плэй-оф НХЛ.
«Вашынгтон» Аляксея Протаса прайграў другі матч супраць «Рэйнджэрс» (3:4). На 5-й хвіліне сустрэчы Джэйкаб Труба правёў сілавы прыём на Протасе за сваёй брамай і ўпаў. Беларус змог устаяць на нагах і аддаць пас назад на Ўілсана, але той не змог патрапіць па шайбе з-за перашкоды.
На 50-й хвіліне ў меншасці Протас перашкодзіў Крысу Крайдэру павялічыць лік.
«Рэйнджэрс» закінулі двойчы ў большасці, 1 раз у меншасці, аднак беларуса не было на лёдзе ў гэты момант.
У выніку Протас правёў на лёдзе 14:14 (з іх 2:03 у меншасці), заблакаваў 1 кідок, здзейсніў 1 сілавы прыём, выйграў 1 укідванне і зарабіў паказчык карыснасці «0».
У плэй-оф у яго 2 гульні і 1 (0+1) ачко, пры карыснасці «0».
Першы раунд
«Рэйнджэрс» – «Вашынгтон» – 4:3 (2:1, 2:1, 0:1)
Лік у серыі: 2-0
«Фларыда» – «Тампа» – 3:2 (2:0, 0:2, 0:0, 1:0)
Лік у серыі: 2-0
«Вініпег» – «Каларада» – 2:5 (1:0, 1:4, 0:1)
Лік у серыі: 1-1
«Ванкувер» – «Нэшвіл» – 1:4 (0:1, 1:2, 0:1)
Лік у серыі: 1-1
