Яўген Чміль: «Прызавыя за перамогу ў кубку лігі клубнага біятлона крыху не дацягваюць да ўзроўню КМ»
Кіраўнік «Беларускага клуба біятлона» Яўген Чміль паразважаў пра старт кубка лігі клубнага біятлона, а таксама адказаў, як фарміруецца бюджэт турніру.
– У Ханты-Мансійску па сутнасці адбылася гістарычная падзея, старт новага турніру. Пакуль гэта ў свеце, магчыма, не ўсе ўсведамляюць, але ж гэта так?
– Прыемна, што вы так думаеце. Мы да гэтага і імкнуліся. Выдатныя спаборніцтвы. Абыякавых заўзятараў я не бачыў, спартсмены таксама захопленыя гэтай ідэяй. Упэўнены, што яны матываваны і вялізным прызавым фондам.
– Гэта вельмі салідныя грошы, якія супастаўныя і з грашыма, што выплачваюцца на Кубку свету, нават з прызавымі планетарнага форуму.
– Калі аб’ектыўна глядзець на сумы, якія выплачваюцца за перамогу ў Міжнароднай лізе клубнага біятлона, то яны высокія для нашага спорту. Усё ж крыху не дацягваюць да прызавых, якія ў гэтым сезоне будуць прапанаваны на Кубку свету. У любым выпадку гэта добры ўзровень, добрая матывацыя для таго каб выкласціся тут на ўсе сто працэнтаў.
– А якія сродкі задзейнічаны? Бо наш «Беларускі клуб біятлона» таксама ў ліку арганізатараў спаборніцтваў.
– Прызавы фонд фарміруе гендырэктар лігі, кіраўнік федэрацыі біятлона Маскоўскай вобласці – Аляксей Нуждаў. Скажам так: гэта яго сродкі, – сказаў Чміль.
Нагадаем, што IBU адхіліла прадстаўнікоў Беларусі ад спаборніцтваў пад сваёй эгідай у адказ на вайну, якая з 24 лютага 2022 года працягваецца Расіяй ва Украіне з выкарыстаннем тэрыторыі Беларусі.