Фінал ЧС-2026 пройдзе на MetLife Stadium у Нью-Джэрсі

ФІФА апублікавала расклад матчаў наступнага чэмпіянату свету, які пройдзе ў трох краінах Паўночнай Амерыкі – ЗША, Мексіцы і Канадзе.

Матч адкрыцця адбудзецца 11 чэрвеня на Estadio Azteca у Мехіка, а фінал пройдзе 19 ліпеня на MetLife Stadium у Нью-Джэрсі, штат Нью-Джэрсі, які быў адкрыты ў 2010 годзе і ўмяшчае больш за 82 тысячы гледачоў.

Фота: MetLife Stadium

Усяго ЧС-2026 прымуць 16 стадыёнаў: два ў Канадзе, тры ў Мексіцы і 11 у ЗША. Пачынаючы са стадыі 1/4 фіналу гульні будуць праходзіць толькі на амерыканскіх арэнах.

Адзін з матчаў 1/16 фіналу пройдзе на 250-ы Дзень незалежнасці ЗША ў Філадэльфіі – горадзе, у якім у 1776 годзе была прынята дэкларацыя незалежнасці.

Матчы групавога этапу зборная Канады будзе праводзіць у Ванкуверы (2) і Таронта (1), зборная Мексікі – у Мехіка (2) і Гвадалахары (1), а зборная ЗША – у Сіэтле (1) і Лос-Анджэлесе (2).

Больш падрабязна азнаёміцца з раскладам матчаў ЧС-2026 можна на афіцыйным сайце ФІФА.