Юрген Клоп: «Параза ад «Севільі» ў фінале Лігі Еўропы восем гадоў таму паклала пачатак добрым рэчам»

Галоўны трэнер «Ліверпуля» Юрген Клоп выказаўся напярэдадні матчу 1/4 фіналу Лігі Еўропы супраць «Аталанты».

«Мы ведаем, што сабой уяўляе «Аталанта». Як і ўсе італьянскія клубы, гэтая каманда адрозніваецца ад большасці каманд, з якімі мы гуляем. Гэта вельмі дысцыплінаваная каманда, якая ўмее атакаваць, і мы мусім згуляць на максімуме ў двух матчах, каб выйсці ў паўфінал. Пакуль мы не можам думаць пра фінал.

Я не магу сказаць, што гэта мая мэта. Гэта наша агульная мэта. Наш шлях да гэтай мэты пачаўся восем гадоў таму, калі мы прайгралі фінал «Севільі» ў Базелі. Гэта быў не найлепшы вечар, але ён паклаў пачатак добрым рэчам», – сказаў Клоп.

Матч «Ліверпуль» – «Аталанта» адбудзецца сёння, 11 красавіка, пачатак у 22:00.