Дзмітрый Мазалеўскі: «Штанге адпускаў гульцоў зборнай адпачыць, але залётаў у той час не было ні ў каго»

– У Штанге ўсё заўсёды было на пазітыве. Пацаны ўсе туды ехалі на расслабоне, у добрым настроі. Быў кайф. Моцна памяняліся ўмовы ў зборнай: харчаванне, пражыванне. Ужо не было гэтых Стаек. Усе жылі на палях «Мінска». Усе былі задаволеныя. Для яго гэта была не праца, ён і сам нам казаў атрымліваць задавальненне ад футбола. Вельмі запомніў гэтыя яго словы.

Дарэчы, хто ў Мінску жыве, ён папросту адпускаў хлопцаў на пару дзён адпачыць. Але пры гэтым ні ў кога не было залётаў! Калі быў там, ніякіх не было праблем з дысцыплінай. І гэта ішло на карысць калектыву. І ніхто сабе ніякіх траўмаў не прыдумляў. Таму што быў пазітыў, і адпачыць табе дазвалялася.

– Чаму згуляў за зборную толькі два матчы?

– Трэба разумець узровень канкурэнцыі: Карніленка, Васілюк, Кутузаў, Радзівонаў. Давайце аб'ектыўна: я ў канцы спісу. Плюс праз нейкі час, у 2011 годзе, ён сказаў, што хоча найграваць мяне крайнім паўабаронцам. На што я сказаў: я на ёй адчуваю сябе некамфортна, гэта не мая пазіцыя, я там не буду эфектыўны, – сказаў Мазалеўскі.