«Сіці» абышоў «Ліверпуль» і падняўся на другое месца ў АПЛ, адставанне ад «Арсенала» пры гульні ў запасе – 1 ачко

«Манчэстэр Сіці» разграміў «Брайтан» у перанесеным матчы 29-га тура чэмпіянату Англіі (4:0).

Дзякуючы гэтай перамозе падапечныя Пепа Гвардыёлы падняліся ў турнірнай табліцы АПЛ з трэцяга месца на другое, абышоўшы «Ліверпуль».

Пасля 33 згуляных матчаў у манчэстэрцаў 76 ачкоў.

У першага «Арсенала» 77 балаў, у трэцяга «Ліверпуля» – 74. Абедзве каманды правялі на гульню больш.

У заключных турах англійскага чэмпіянату «гараджане» згуляюць з «Нотынгем Форэст» (на выездзе), «Вулверхэмптанам» (дома), «Фулхэмам» (на выездзе), «Тотэнхэмам» (на выездзе) і «Вэст Хэмам» (дома).

Калі каманда выйграе ўсе гэтыя 5 матчаў, то незалежна ад вынікаў канкурэнтаў стане чэмпіёнам Англіі.