«Барселона» цікавіцца вінгерам «Баварыі» Лероем Санэ

«Барселона» зацікаўлена ў падпісанні вінгера «Баварыі» Лероя Санэ, паведамляе іспанскае выданне El Chiringuito TV.

Паводле інфармацыі выдання, узмацненне пазіцыі вінгера ў каталонскай камандзе з'яўляецца адным з галоўных патрабаванняў Хаві на летняе трансфернае акно. Раней прэзідэнт «Барселоны» Жаан Лапорта паведаміў, што Хаві застаецца працаваць у клубе на наступны сезон.

Кіраўніцтва каталонскага клуба ўжо размаўляла па тэлефоне з кіраўнікамі «Баварыі» пра магчымы трансфер футбаліста, але афіцыйнай прапановы з боку «Барселоны» мюнхенцам не паступала.

Кантракт 28-гадовага нямецкага гульца з «Баварыяй» разлічаны да лета 2025 года. Паводле інфармацыі выдання, футбаліст не гарыць жаданнем працягваць пагадненне з клубам, таму кіраўніцтва «Барселоны» разлічвае падпісаць гульца за суму ў 40-50 мільёнаў.

У гэтым сезоне ў складзе мюнхенскага клуба Санэ згуляў 39 матчаў, забіў 9 мячоў і аддаў 12 рэзультатыўных перадач. Статыстыка гульца тут.