Гулец «Энергетыка-БДУ» Вайна: «Хацеў бы наведаць Амерыку. Калі б не футбол, то змог бы стаць праграмістам»
Абаронца «Энергетыка-БДУ» (Д2) Яўген Вайна распавёў некаторыя падрабязнасці сваёй біяграфіі.
– Футболам пачаў займацца з 12 гадоў як раз тут, у РЦАР-БДУ. Перакаштаваў вельмі шмат відаў спорту, аднак усё ж спыніўся на футболе.
Так склаліся абставіны ды і ўнутраны голас падказаў, што трэба ўдасканальвацца ў гэтым напрамку. Часта гуляў у двары, а часам і зусім біў у сцяну дома
– Якія кнігі, фільмы ці музыка аказалі ўплыў на цябе?
– Не часта я чытаю кнігі, аднак з тых, што адбіліся ў большай ступені на мне – гэта «Панесеныя ветрам» Маргарэт Мітчэл, а таксама аўтабіяграфія Джэймі Вардзі.
Аўтабіяграфія аб тым, як чалавек гарэў сваёй справай і змог прайсці ўсе дывізіёны Англіі і выйграць АПЛ.
На працягу жыцця музычны густ увесь час змяняўся. Няма канкрэтнага жанру, аднак доўгі час слухаў хіп-хоп выканаўцы Lil Skies. З нашых музыкаў: Макс Корж. Цяпер пачаў захапляцца групай Тры дні Дажджу.
Кожны фільм у нейкай ступені аказвае на цябе ўплыў. Але, напэўна, мацней за ўсё мяне здзівіў «Па меркаваннях сумлення». Таксама магу параіць «Найлепшую прапанову».
– У якой краіне ці горадзе ты б марыў пабываць? Чаму?
– З дзяўчынай хацеў бы наведаць Амерыку і праехаць увесь Route 66, горад, напэўна, Лос-Анджэлес.
– Як адпачываеш пасля цяжкай трэніроўкі?
– Звычайна праводжу дзень дома і паралельна магу займацца англiйскай
– Кім бы ты хацеў стаць, акрамя футбаліста?
– Думаю, што змог бы стаць праграмістам, хоць гэта і вельмі складаная прафесія
– Якія 3 якасці для цябе самыя важныя ў футбалісце?
– Думаю, што футбольны інтэлект, дух пераможцы і фізічная падрыхтоўка, – сказаў Вайна.