«Рэал» збіраецца падпісаць новы кантракт з Ферланам Мендзі

Абаронца «Рэала» Ферлан Мендзі атрымае новы кантракт са «сметанковымі», паведамляе іспанскае выданне Marca.

Тэрмін дзеючага пагаднення 28-гадовага французскага левага абаронцы са «сметанковымі» заканчваецца летам 2025 года.

Паводле інфармацыі выдання, галоўны трэнер «Рэала» Карла Анчалоці папрасіў кіраўніцтва клуба падпісаць новую дамову з Мендзі. Кіраўнікі «каралеўскага клуба» таксама зацікаўлены ў перападпісанні футбаліста.

Бакі яшчэ не ўзгаднілі дэталі новага кантракта, але падтрымка галоўнага трэнера і павага, якую футбаліст заслужыў у распранальні, дапамаглі Мендзі пераканаць «Рэал» у неабходнасці падпісання новага пагаднення.

Ферлан Мендзі летам 2019 года перайшоў з «Ліёна» ў «Рэал» за 48 мільёнаў еўра.

У гэтым сезоне Мендзі згуляў 33 матчы ва ўсіх турнірах у складзе «сметанковых» і забіў 1 гол. Статыстыка гульца – тут.