FIG змяніла вынікі лёсавання на КС з-за трапляння ўкраінак у адну плынь з беларускай Гарнасько
Міжнародная федэрацыя гімнастыкі (FIG) змяніла вынікі лёсавання на другім этапе Кубку свету ў Сафіі з-за трапляння ўкраінак у адну плынь з беларускай падпісанткай за рэжым Алінай Гарнасько.
Пра гэта паведаміла Украінская федэрацыя гімнастыкі.
«Украінская федэрацыя гімнастыкі звярнулася з афіцыйным зваротам да FIG і яе прэзідэнта Марынары Ватанабэ з нагоды недапушчальнасці выступу ў адной плыні на Кубку свету па мастацкай гімнастыцы ў Сафіі, Балгарыя, «індывідуальнай нейтральнай атлеткі» з Беларусі Аліны Гарнасько разам з прадстаўніцамі зборнай Украіны Вікторыяй Анапрыенка і Таісіяй Анафрыйчук.
Такая сітуацыя, нагадаем, павінна адбыцца ў выніку лёсавання напярэдадні старту спаборніцтваў.
Пасля разгляду сітуацыі кіраўніцтва FIG прыняло рашэнне пайсці на сустрэчу УФГ і змяніць сваё рашэнне.
Іншыя нацыянальныя федэрацыі, якія прымуць удзел у Кубку свету, пярэчанняў не выказалі. «Індывідуальная нейтральная атлетка» з Беларусі была пераведзена ў іншую плынь.
Украінская федэрацыя гімнастыкі дзякуе Міжнароднай федэрацыі гімнастыкі за тое, што мы былі пачутыя», – паведаміла УФГ.
Спаборніцтвы пройдуць з 12 па 14 красавіка.