Кіраўнік федэрацыі пяцібор'я Пракапенка пра міжнародны бан: «Сітуацыя паказала, што трэба ісці сваёй дарогай, ужо не так канцэнтруемся на АГ»

Кіраўнік федэрацыі пяцібор'я Міхаіл Пракапенка падзяліўся меркаваннем пра адхіленне беларускай каманды ад міжнародных стартаў.

Нагадаем, што шматлiкія беларускія каманды і спартсмены былі адхіленыя ад міжнародных спаборніцтваў у адказ на вайну, якая з 24 лютага 2022 года працягваецца Расiяй ва Украіне з выкарыстаннем тэрыторыі Беларусі.

– Прама цяпер [на II Гульнях краін СНД] мы можам праверыць і ўжо ведаць, што на ўмоўную Алімпіяду ў Лос-Анджэлесе ў нас ёсць перспектыўныя маладыя атлеты ў сучасным пяцібор'і.

– Шчыра кажучы, мы не канцэнтруем увагу на Алімпійскіх гульнях. Гэтая сітуацыя з палітызацыяй спорту паказала, што трэба ісці сваёй дарогай, у алімпійскім руху ёсць праблемы, і мы ўжо не так канцэнтруемся на такім паняцці, як алімпійскія гульні. Хаця мы ўсё роўна разумеем, што ў ідэале гэта павінен быць непалітызаваны форум, на якім усе павінны мець роўныя магчымасці, і там трэба высвятляць свае адносіны, хто мацнейшы, хто лепшы, а не займацца дыскрымінацыяй расійскіх і беларускіх спартсменаў, іншых спартсменаў.

Таму, хутчэй за ўсё, што ўсё ж хлопцы таксама ўжо гэта, нават маладыя, хаця прайшло зусім няшмат часу, разумеюць, што мы ідзём сваёй дарогай і будзем падтрымліваць сябе ў добрай фізічнай форме і гатовы выступіць на любым спартовым форуме, – сказаў Пракапенка.