Шантаровіч пра адбор весляроў на АГ: «Кідаць усе сілы не будзем. Ехаць пад белым сцягам… Настройваемся на Гульні БРІКС»
Трэнер зборнай Беларусі па байдарцы Уладзімір Шантаровіч падзяліўся меркаваннем пра кваліфікацыю на Алімпіяду.
– Трэба быць ваярамі і сур'ёзна рыхтавацца. Яшчэ скажу – кідаць усе сілы на гэтую алімпійскую кваліфікацыю мы не будзем. Не будзем вар'яцець. Не трэба ахвяраваць усім. Ехаць туды пад гэтым белым сцягам… Настройваемся на Гульні БРІКС і зацверджаны каляндар. Каб расці над сабой у гэтым календары трэба біцца з самім сабой. Веру, што гэтае бязмежжа ў сусветным спорце скончыцца, пры нашым жыцці так дакладна.
Мой напарнік і вучань алімпійскі чэмпіён Вадзім Махнёў катэгарычна не згодзен з такімі ўмовамі і лічыць, што не трэба ехаць на гэтыя адборы. Гэта здзек са спартсменаў! Томас Бах кажа: які спорт можа быць па-за палітыкай? І гэта кіраўнік МОКа! Што ты робіш?
З аднаго боку не хочацца ў гэтым удзельнічаць, а з другога – мы павінны бачыць, што ў свеце адбываецца. Калі замкнемся толькі на спаборніцтвы з Расіяй, можам адстаць. Тут яшчэ трэба ўлічваць апатыю спартсменаў – яны павінны бачыць, якія хуткасці ў сусветных лідараў. У Сегедзе нам дазволілі выступаць на сваіх лодках, лодкі перафарбоўваць не станем. Выступім у белых майках у нейтральным статусе, – сказаў Шантаровіч.
